Sipas botuesit Britanik Telegraph, një firmë avokatie në UK ka
deklaruar se një në pesë raste divorcit citon pikërisht Facebook në
dokumentet e tij. Manaxheri i kompanisë Divorce-Online thotë: “Kisha
dëgjuar prej stafit tim se shumë persona përmendnin se kishin zbuluar
gjëra mbi partnerin e tyre, prandaj vendosa të krijoj një ide më të
qartë mbi përmasën e fenomenit dhe u befasova kur doli se njëzet
përqind e peticioneve përmbanin referenca ndaj facebook-ut.”
Shpesh një partner zbulon emailet flirtuese të tjetrit apo përfshin
dhe pajisje e teknologji të specializuara në përgjim. Në disa raste të
tjera, divorci ishte pranë edhe pa ‘ndihmën’ e faqeve sociale, por
njëri partner është befasuar duke zbuluar online se tjetri ka ndër mend
të divorcojë.
Por facebook nuk është faqja e vetme që shkakton problem të tilla,
gjithashtu lojra online si Second Life dhe World of Warcraft janë bërë
shkak i çarjes në një mardhënie për vetë natyrën e tyre të dyzimit të
realitetit.
Gjithashtu faqet e ribashkimit si classmates.com dhe Friends
Reunited janë një tjetër shkak i rritjes së tradhëtisë bashkëshortore.
Faqe të tilla ndihnojnë njerëzit të lidhen sërish me miqtë e vjetër dhe
ndonjëherë, me dashuri të harruara.