Edhe një laptop me dy ekrane vjen nga Japonia. Kompania Onkyo ka
paraqitur modelin DX1007 ekranet e të cilit kanë diagonale 10.1 inç.
Për nga pamja, laptopi është i ngjashëm me modelin e paraqitur më
herët, Kohjinsha DZ, mirëpo karakteristikat e tij teknike janë diç më
të mira.
Onkyo ofron 2 GB RAM, ekranet janë me rezolucion 1.366 x 768 piksela me
diagonale prej 10.1 inc, e është integruar edhe disku me kapacitet prej
320 GB.
Procesori i tij është Athlon Neo prej 1.6 gigaherc, e grafika e
integruar është e AMD-së. Po ashtu, është integruar edhe kamera e uebit
prej 1.3 megapikselash, tri qasje USB dhe lexuesi i kartelave të
memories. Koha e deklaruar e baterisë është tre orë e gjysmë, e laptopi
shitet së bashku me sistemin operativ Windows 7 Home Premium.
Në shitje del më 21 dhjetor me çmim prej 960 dollarësh.