Serie A Itali

Mesfushori i Interit, Wesley Sneijder, ka kritikuar drejtuesit e ish-klubit të tij, Real Madrid, duke i quajtur ‘mafiozë’.
Sneijder vazhdon ta ruajë armiqësinë kundër presidentit të Real Madridit Florentino Perez dhe menaxherit gjeneral, Jorge Valdano.“Kurrë nuk do të rikthehem në Real Madrid. Ajo çfarë ndodhi ishte e ngjashme me një goditje mafioze. Mund ta bëja me lehtësi atë që tash bën Xabi Alonso dhe shumë njerëz besojnë në këtë”.“Kjo nuk do të thotë se e urrej Realin. Mbi të gjitha, vazhdoj të jem në kontakt me shumë ish-bashkëlojtarë, por në të njëjtën kohë jam i lumtur që jam në gjendje ta dëshmoj veten diku tjetër”, ka thënë Sneijder.

Kodi:

Roberto Bettega është zyrtarisht zëvendësdrejtor gjeneral i Juventusit dhe do të fillojë punën menjëherë.
Roli i legjendës së dikurshme të Zonjës së Vjetër do të jetë që të ndërmjetësojë në mes të lojtarëve dhe stafit të trajnerëve, si edhe me hierarkinë më të lartë të klubit, dhe njëherit do të përfshihet edhe në transferimet e bardhezinjve.

“Kërkova nga Bettega që të bëhet pjesë e organizatës sonë. Të marrë përgjegjësi për të gjitha fushat e sportit”, ka thënë presidenti i Juves, Jean-Claude Blanc, për faqen zyrtare të klubit

Mediat përcjellin lajmin e Luca Toni tashmë ka arritur marrëveshje me Romën dhe sulmuesi me siguri do të rikthehet në Itali në afatin kalimtar të janarit.
Toni është i etur të largohet nga Bayern Munichu dhe të transferohet në një klub tjetër ku do të mund të luajë me qëllim që të jetë pjesë e kombëtares së Italisë, e cila do të udhëtojë në Kupën Botërore.

Toni ishte lidhur me disa klube, por sipas informatave të fundit ai do të jetë pjesë e Romës. Zyrtarisht ai pritet të promovohet si lojtar i ri i ekipit italian në fillim të afatit kalimtar të janarit./

Superylli i i Milanit, Ronaldinho, shpreson që të përfshihet në skuadrën e Brazilit që do të udhëtojë në Kampionatin Botëror 2010.
Pas rënies së formës, ish-lojtari i Barcelonës e humbi vendin te kombëtarja e tij, mirëpo paraqitjet e këtij sezoni mund ta bindin trajnerin Carlos Dunga që të ndërrojë mendje.

“Viti i cili është duke mbaruar ishte pozitiv për mua dhe Milanin, ndërsa viti 2010 do të jetë edhe më i mirë”.

“Është e vërtetë që shpresoj të jem pjesë e Kampionatit Botëror, mirëpo nuk dua të jem atje vetëm për deklaratat e mia”.

“Dua të dëshmoj aftësitë e mia futbollistike dhe të tregoj se meritoj një vend në përfaqësuese”, ka thënë Dinho.

Sulmuesi brazilian i Juventusit, Amauri, thotë se biankonerët ende do të mund ta fitojnë skudeton.
“Shikoni, kam qenë në Itali për 10 vite dhe kam parë ekipe me 10 pikë avantazh ta humbin skudeton. Si rezultat i kësaj, ende besoj”, ka thënë braziliani, i cili ka shënuar vetëm katër gola këtë sezon.

“Është një moment i vështirë. Por të gjithë jemi për t’u fajësuar, të gjithë jemi përgjegjës për këtë moment. Ne e kemi futur veten në këtë situatë dhe ne duhet ta nxjerrim nga kjo, pa dëmtuar askënd”, ka shtuar Amauri./

Simboli i Romës, Francesco Totti, ka përshëndetur tentativat e skuadrës së tij për të sjellë në Olimpico sulmuesin e Bayern Munichut, Luca Toni.
“Afatit kalimtar dimëror po afrohet. Jam i sigurt se klubi do ta bëjë ndonjë shërbim gjatë afatit kalimtar të janarit, ashtu që të jemi konkurrentë më të fortë në Kampionat dhe në Evropë”.

“Kam lexuar gazetat që flasin për disa përforcime të mundshme, dhe të gjitha emrat e përmendur janë lojtarë të mirë”.

“Padyshim, mendoj se Luca Toni është një sulmues solid dhe i qëndrueshëm, dhe ai është një kamion bote”, ka thënë Totti