Kompania Microsoft ka njoftuar se gjatë dy javëve sa paketa e saj
softuerike për zyre është në dispozicion të publikut, ajo është
shkarkuar mbi një milion herë.
Versioni eksperimental i Office 2010 e cila është në dispozicion të
shfrytëzuesve për shkarkim pa pagesë deri më tani është shkarkuar mbi
një milion herë, kanë njoftuar nga gjiganti softuerik në Redmond. Kjo
gjoja ia tejkalon kërkesës për version beta të Office 2007 dhe secilës
paketë tjetër të Microsoftit (por nuk mund të krahasohet me kërkesën
për Windows 7).
Nëse ende nuk e keni kopjen tuaj, më së miri e keni të shkoni në faqen zyrtare dhe ta shkarkoni atë.