Twitter përfundon vitin në plus

Falë marrëveshjeve me kompanitë gjigante, Microsoft e Google, me vlerë prej 25 milionë dollarësh, Twitter do ta përfundojë këtë vit me fitim, raporton gazeta BusinessWeek.
Twitter në muajin tetor ka nënshkruar marrëveshje me kompanitë e përmendura për përfshirjen e “tweet-ave” në rezultatet e kërkimeve të cilat do t’i ofrojnë Bing e Google.

Përfitimi i përgjithshëm ka qenë 25 milionë dollarë për Twitterin. Gjithashtu, profitin e ka mundësuar edhe zvogëlimi i shpenzimeve, para së gjithash ndaj kompanive telekomunikuese, theksojnë në BusinessWeek.


Pritet që Twitter vitin e ardhshëm të rris profitin e vet edhe më tepër me vendosjen e reklamave në faqen e vet. Gjithashtu, do të ofrohet edhe pagesa e llogarive afariste të Twitter të cilët do të përdoren për qëllime pune.