Prodhuesi i dytë më i madh i kompjuterëve në botë ka publikuar planet e
veta për vitin e ardhshëm. Acer bukur seriozisht po përfshihet në
tregun e celularëve, sepse vitin e ardhshëm nga kjo kompani mund të
presim madje gjashtë pajisje.
Sipas paralajmërimeve, nga Acer vetëm në pjesën e parë të vitit të
ardhshëm në treg do të duhej të gjendeshin madje gjashtë pajisje. Ajo
që tingëllon interesante është se të gjitha gjashtë pajisjet do të
përdorin platformën operative Android nga Google.
“Ende po mendojmë për hapat tonë për pjesën e dytë të vitit 2010”, ka
deklaruar zëvendësdrejtori i degës së celularëve të Acer, Roger Yuen.
Pajisjet e paralajmëruara të Acer do të paraqitet në tri kategori
çmimesh, të ulët, të mesme dhe të lartë, e disa prej modeleve do të
dedikohen për përdoruesit afaristë. Datat e sakta të paraqitjeve të
këtyre pajisjeve nuk dihen.
Acer mu tani në treg është duke lansuar celularin e parë të vet në
Android të emërtuar Liquid. Pajisja është e bazuar në procesorin e
Qualcomm me takt pune prej një gigaherc – Snapdragon. Sistemi i tij
operativ është Android në versionin 1.6, gjersa e veçanta e tij është
mbështetja për grafikën tredimensionale, që e bën atë telefonin e parë
të këtij lloji me sistemin operativ Android.
Liquid ka ekran WVGA me diagonale prej tre inç e gjysmë dhe është i
pajisur me adaptorin WiFi dhe pranuesin A-GPS. Bëhet fjalë për një
telefon 3G i cili internetit i qaset me anë të protokollit HDSPA.