Nokia ka paralajmëruar ripërtëritjen e shërbimit të vet për
shpërndarjen e aplikacioneve dhe përmbajtjeve tjera për telefona
celularë .
Edhe pse Ovi Store numëron një milionë shkarkime në ditë, në Nokia
pranojnë se ridizajnimi megjithatë është i duhur. Për më shumë,
zëvendëspresidenti i kompanisë George Linardos ka deklaruar se Ovi
Store do të bëhet “nga zeroja”.
Versioni i ri i shërbimit të Nokias për shpërndarjen e aplikacioneve
dhe përmbajtjeve tjera për celularë sërish do të lëshohet në qarkullim
në pranverën e vitit të ardhshëm. Përmirësimet kryesore të cilat
versioni i ri do t’i përmbajë kanë të bëjnë me shpejtësinë,
konfigurimin dhe besueshmërinë.
Sipas Linardos, versioni aktual i Ovi Store edhe ashtu ishte menduar si
i përkohshëm, në kohën e shkurtër kur Nokia është dashur të konsolidojë
të gjitha shërbimet të cilat i ka ofruar.