La Liga Spanje

Pellegrini: Lioni i vështirë si Interi ose Bayern Munich
Nëntë herë kampioni Champions League, Real Madrid, do të përballet me ekipin francez Lionin
ë raundin e ardhshëm që është faza KnockOut [ 1/16 ].
Edhe pse Reali ishte në një grup të vështirë,Pellegrini gjeti zgjidhjen për tu kualifikuar më tej.
“Më e rëndësishme se emri i rivalëve është forma që do të shfaqin ata gjatë lojës”,deklaroi trajneri për AS gjatë një interiviste për shtyp në Madrid.
“Do të jetë një lojë e nivelit të lartë dhe ne mund të kalojmë në fazën tjetër”,shtoi ai.
Real Madrid ka një record të zi ndaj Lionit në të kaluarën por Pellegrini nuk tregon shenja të brengosjes.
“Statistikat nuk më interesojnë mua.Është e rëndësishme që të kemi konsideratë ndaj tyre por kjo nuk është faktor i vendosjes”.
“Lioni do të jetë i vështirë si Interi ose sa Bayern Munich”.
Më në fund kiliani tha se ai ende nuk ka folur me Karim Benzeman dhe Mahamadou Diarra,dy ish-lojtarët e Lionit.
“Kemi ende kohë të flasim për këtë dhe do ta bëjmë më vonë.Tani duhet të fokusohemi në ndeshjen kundër Real Zaragozës dhe jo në Champions League apo në pushimin gjatë dimrit”.
Los Merengues nuk kanë shkuar më tej raundit 1/16 pothuajse për pesë sezone.

Siç raportohet nga Marca këtë të premte, mbrojtësi i Real Madridit Pepe, i cili vuajti një sezon të tërë me lëndime, dhe pas pësimit të një lëndimi ndaj Valencias atij i vijnë lajme të mira.
Sipas Marca, operimi i suksesshme në ligamentin krucial anterior është pasuar nga një takim mes agjentit të tij, Jorge Mendes, dhe drejtorit të klubit Jorge Valdano, me synim rinovimin e kontratës.
Sipsa kësaj marveshje të re, Pepe i cili deri para pak kohe ishte lojtari me pagë më të ulët te Reali, tani do të fitoj një pagë të trefishuar prej 5 milion eurosh në sezonë.
Pepe raportohet të jetë i ngujuar në Bernabeu deri në vitin 2015

Sulmuesi i Barcelonës, Thierry Henry, mund të rikthehet në Ligën Premier pasi thuhet se klubi spanjoll dëshiron të analizojë ofertat që arrijnë për francezin.
Manchester City thuhet të jetë shumë i interesuar për të, me menaxherin e ri Roberto Mancini që dëshiron të sjellë sulmues me përvojë dhe pasi mediat spanjolle raportuan se Barcelona ishte e hapur për oferta, duket se kjo mund të jetë një hap i mundshëm.

32-vjeçari Henry po ashtu është lidhur me një kalim në ligën amerikane të futbollit MLS, te klubi New York Red Bulls dhe Barcelona e di se do të mund të nxjerrë një shumë bukur të mirë parash nga ai tash. Fakti se blaugranët kanë opsione të shumta në sulm është një shtytje tjetër për ta shndërruar në para ish-superyllin e Arsenalit./

Skuadra spanjolle Espanyol interesohet për dyshen e Interit, Mario Balotelli dhe David Suazo.
Ekipi i dytë nga Barcelona nuk ka gjetur formën më të mirë këtë sezon, prandaj planifikon që në afatin kalimtar të janarit të përforcojë sulmin, që është pika e dobët e skuadrës.

Mediat spanjolle njoftojnë se katalunasit tashmë kanë kontaktuar me Interin për të diskutuar në lidhje me disponueshmërinë e SuperMarios dhe Suazos.

Sipas parashikimeve, Suazo është një shënjestër e arritshme për Espanyolin, mirëpo Balotelli vështirë se mund të preket.

Trajneri i kombëtares spanjolle Vicente del Bosque, thotë se kapiteni i Real Madridit, Raul, ka shans për të qenë pjesë e Kupës Botërore në verën e ardhshme.
Raul ka dështuar të gjejë vend në formacionin e parë të ekipit që kur në detyrë ka ardhur trajneri i ri Manuel Pellegrini gjatë verës dhe shanset e tij për të qenë pjesë e kombëtares u dukën pothuajse të shuara.

“Personalisht kam respekt për Raul dhe nuk po flas për shkak të respektit që kam, por ai është një lojtar të cilin mund ta zgjedh”, ka thënë del Bosque.

Një rival i mundshëm i Raul për vend në kombëtare është sulmuesi në formë i Barcelonës Pedro, në të cilin Del Bosque po ashtu llogarit

Mesfushori i Barcelonës, Andres Iniesta, do të shfrytëzojë pushimet e fundvitit që të rikuperojë formën e tij.
Spanjolli mungoi në finalen e Kupës së Botës për Klube, si pasojë e një lëndimi që pësoi kundër Atlantes, mirëpo DiarioSport njofton se ai do të kthehet në ndeshjen kundër Villarrealit (më 2 janar).

Pritet që Iniesta të arrijë kondicion të plotë më 29 dhjetor, ashtu që të jetë i gatshëm që të përfshihet në listën e Pep Guardiolas për ndeshjen e rëndësishme kundër Nëndetëses së Verdhë.

Tifozët e Valencias e kanë votuar ish-portierin e Los Che, Santiago Canizares, si portierin më të mirë në historinë e klubit.
Sondazhi është realizuar nga revista Amunt, sipas të cilës portieri spanjoll është më i preferuari i tifozëve nga Mestalla.

“Krejt që mund të bëj është të falënderoj të gjithë lexuesit dhe përdoruesit (e faqes së internetit) për votat dhe mbështetjen e tyre për këtë nderim”.

“Jam skajshmërisht krenar që jam pjesë e historisë së një klubi siç është Valencia”, ka thënë Canizares.